Будучы беларускі паэт Максім Багдановіч разам з бацькамі жыў у Гродне з чэрвеня 1892 па лістапад 1896 года. Асноўная экспазіцыя Музея Максіма Багдановіча і экспазіцыя “Гродзеншчына літаратурная” размешчаны ў драўляным доме пабудовы 1888 г., які з’яўляецца помнікам гісторыі мясцовага значэння і ўключаны ў Дзяржаўны спіс гісторыка-культурных каштоўнасцей Рэспублікі Беларусь у складзе гістарычнага цэнтра г.Гродна.
У 1982 г. упраўленнем культуры Гродзенскага аблвыканкама быў выдадзены загад аб адкрыцці ў гэтым доме літаратурнага аддзела Гродзенскага дзяржаўнага гісторыка-археалагічнага музея.